Patharo ke jangal me lage Insano ke is bazaar me,
Kaano ko cheerte is tanhayion ke shor me,
Karodo ki bheed me apne akelepan se bhaagta,
Badhawaas thaka sa mai, sone ko do gaj ki panaah maangta hu!
Kaagajo ki syaahi ke beech ke khali nishano ko dhundta,
Aur un khaali nishaano ko jod kar naya lafj banata,
Fir us lafj ko apni hi jabaan par dafn kar ke,
Bhoole lafjo ke yaad aane ki dua maangta hu!!
Khule aasmano me ghutan mehsoos karta,
Janjeer nahi, par kate pairon ki jakdan mehsoos karta,
Apni azaadi se inta ghabra gaya hu mai,
Ke teri baahon mein kaid hone ki sajaa maangta hoon!!!
No comments:
Post a Comment